Too many cooks

ඉවුම් පිහුම් කලාවට විනීතාගේ ඇත්තේ සහජ දක්ෂතාවයකි.ඒ අතරිනුත් ඇගේ බටු මොජුව දන්නා කියන සැමදෙනෙක් අතර ම චිර ප්‍රසිද්ධය. ඒ ගැන ඇය සිටියේ මහත් ආඩම්බරයෙනි.ඇගේ සොයුරිය වූ සුනීතා ගේ නිවසේ පැවැත්වෙන වාර්ෂික දානයට ද මේ ව්‍යංජනය අනිවාර්ය අංගයක විය,.

වෙනදා ට දානයට දින ගණනකට කලින් ම එහි යන විනීතා ට මෙවර එහි යා හැකි වූයේ දානයට දවසකට කලිනි.

"ඔන්න අක්කේ,පැරකු වෙන නිසා මම බටු ටික බැද ගෙන ම ආවා.'

"ඒක හොඳයි නංගි.මටත් අසනීප නිසා මේ සැරේ ඔයාට තමා මේකේ වැඩි බරක් අදින්න වේන්නේ දානයේ ඉවුම් පිහුම් පටන් ගත වෙලාවේ සිට ම සැම අතින් ම ඇසෙන්නට වුනේ ත් "විනීතා නැන්දේ,අක්කේ,පුන්චියේ...මේක හරි ද,මෙහෙම නේද.....අනේ මේක පොඩ්ඩක් බලන්නකෝ "අදියි.බොරුවට මැසිවිලි නගමින් ඇය ද මහත් ආඩම්බරයෙන් ඒ සියලු දෙනාට උපදෙස් දුන්නාය.

බටු මොජුව ලිපේ තිබ්බා  පමණි."අනේ,නැන්දේ,මේ බත මොකක්ද වෙලා"හඬක් නැගුනේය.

"මොනවද කෙල්ලනේ.බත වරද්ද ගත්තොත් ඔක්කොම විනාසයි"

විනීතා ඇගේ දියණිය වූ විනාවී ට බටු මෝජුව බාර දී ඒ හඬ ආ දිසාවට වහා ගියාය.

අම්මාගේ ඉවුම් පිහුම් ඒ ආකාරයෙන් ම අනුගමනය කරමින් සිටි විනාවී ද ප්‍රවේශමෙන් අම්මාගේ සුප්‍රසිද්ධ ව්‍යංජනය සකසන්නට වුවාය.එහෙත් ඇගේ ජන්ගමයා ගේ ගීතය ගැයුනේ ද ඒ වෙලාවේ මය.ඇය කලබලයෙන් වටපිට බැලුවාය.

"අනේ...රෝසි අක්කේ මේක බලනවද?"

"හා...හා ...කෝ දෙන්නකෝ "රහස් හිනාවක් පාමින් එතනට ආ සුනීතාගේ දියණිය හැන්ද අතට ගත්තාය.

---------------------------------------------------------------------------------------------------

"අනේ...හාමුදුරුවෝ බටු මෝජුව වළඳලා නෑ නේ"විනීතා මහත් දුකින් කීවේ දානයේ වැඩ කටයුතු අවසන් ව හාමුදුරුවන් ව නැවත වැඩම කරවූ පසුවය.ඇයට දැනුනේ මහත් අපහාසයක්  වැනි හැඟීමකි.

"දැන් හාමුදුරුවන් ට හරියට ඩයබිටික්,කොලෙස්ටරෝල් එහෙම නේ නංගි.එක වෙන්න ඇති"සුනීතා සොයුරිය ගේ සිත හැදුවාය.

ඉතිරි වූ ආහාර බෙදා ගත් පැමිණ සිටියෝ ද අහාර ගන්නට වූහ.විනීතාගේ බටු මෝජුව ගැන බොහෝ දෙනාගෙන් අසා සිටි සුනීතාගේ  බෑනා මුලින් ම එහි රස බැලුවේය.ඔහුගේ කට ඇඹුල් විය.වහා ම පිඟාන බිම තබා ඔහු තුහ් තුහ් ගාමින්

එලියට දිව්වේය.විනීතාගේ ඇස් මහත් විය.මේ නම් විශාල ම අපහාසයකි.ඇය ද වහා ම එහි රස බැලුවාය.ඇගේ නළල රැලි විය.ඇය ද කටේ තිබු සියල්ල අතට ගෙන විසි  කළාය.

"දුව ඔයා මේකට ලිපේ තියෙද්දී ලුණු දැම්ම ද"

ඇය සැරෙන් ඇසුවාය.විනාවී ට බය වූ ගානට වචන හිර විය.ඇය ඔව් කියන්නට හිස වැනුවාය.

"ඔයා ලිපේ තියෙද්දී ලුණු දානවා ද?එතකොට අයඩින් විනාස වෙනවා.උයලා බිමට බාලා නිවුනා ම ඕන ලුණු දාන්න."රෝසි විනීතා ට පෙර උත්තර දුන්නාය.

වීනීතා රෝසි දෙස  බැලුවාය."ඔයත් ලුණු දැම්මද එතකොට බිමට බාලා"

රෝසි "ඔව්"කිව්වාය.

"හපොයි හපොයි මෙහෙම කෙල්ලෝ.....බටු බදින්න කලින් කහයි  ලුනුයි අතගාලා තියන්නේ." විනීතා ඔලුවේ අත ගසා ගත්තාය.